نرقلم تہٕ کشمیٖری کیٖبوڈ

کٲشرِ باپتھ گۅڈنیُک یونیکوڈ فان٘ٹ نرقلم (narqalam) تہٕ گۅڈنیُک کشمیٖری کیٖبوڈ (Kashmiri Keyboard)  چُھ پیش۔ امہِ سٍتـ̡  ہێکو مایکروسافٹ آفس استعمال کٔرِتھ تہٕ انٹرنى۪ٹس پى۪ٹھ ٹیکسٹ فایلہٕ تۯاوِتھ۔
امہِ سامانہٕ سٍتـ̡  تیار کرنہِ آمٕژٕ فایلہٕ تہٕ وى۪ب سایٹہٕ پرنہٕ خٲطرٕ چُھ صرف کمپیوٝٹرس نرقلم فاں٘ٹ لاگُن کٲفی۔
کٲشُر لیکھنہٕ خٲطرٕ چُھ کمپیوٝٹرس نرقلم تہٕ کشمیٖری کیٖبوڈ لاگٕنـ̡  ضرۇری۔
نرقلم تٕہ کشمیٖری کیٖبوڈ حٲصل کرنُک پتاہ چُھ: info@kashmirilanguage.com
نرقلم چُھ گۅڈنیُک یونیٖکوڈ کٲشُر فان٘ٹ۔ یِہ چُھ اردو فان٘ٹس ضروٝری حدس تٲنـ̡  ہُرى۪ر کٔرِتھ بناونہٕ آمُت تِکیازِ کٲشر چُھ عربی ہێجُل ورتاون واجنى۪و زبانو منزٕ اردوسٕے زیادٕ نکھٕ، تہٕ لگ بگ سٲری کٲشُر لیکھن وٲلـ̡ چھِ اردو تِہ لیکھان۔
یِہ فان٘ٹ تیار کرنس من٘ز روٝدـ̡ بۅنہٕ کنہِ درج مسلہٕ نظرِ تل : 
موجود اردو فان٘ٹن من٘ز چھنہٕ کٲشرِچِہ تمام علامٔژ (اعراب، حروفِ علت، ماترایِہ) شٲمل۔
یِمہٕ علامٔژ موجود چھےٚ تِمہٕ تِہ چھےٚ اورٕ یور چھٔکرِتھ آسنہٕ کِنـ̡ ورتاونِہ ہنا مشکل۔
کٲشرِ خٲطرٕ ضروٝری یونیکوڈ چھِنہٕ سٲری مشخص سپدیمٕتـ̡ ۔  
امہِ سامانہٕ سٍتـ̡ گژھِ کٲشرِس سٍتـ̡ ، اردو تہٕ انگریزـ̡ تہِ لیکھنہٕ یُن۔
نرقلم چُھ نسخ فان٘ٹ۔ نستعلیٖق فان٘ٹ بناونٕچ سٲنـ̡ کوٝشش چھےٚ جٲری۔ حالس ہى۪کو یێمہِ فان٘ٹہٕ سٍتـ̡  کٲشُر دۯُس لکھایہِ من٘ز انٹرنى۪ٹس پى۪ٹھ تۯٲوتھ تہٕ پٔرِتھ۔ [کٲشُر لیکھنہٕ باپتھ چُھ کشمیٖری کیٖبوڈ ضروٝری۔]

کشمیٖری کیٖبوڈ

کشمیٖری کیٖبوڈس پیٹھ ہێجلِچ بٲگرن چھےٚ بۅنہٕ کنہِ کىیٖبوڈچى۪ن تصویٖرن مں٘ز ہٲوِتھ۔

کوٝشش چھےٚ روٝزمٕژ زِ یہِ بٲگرن گژھِ یاد تھاوٕنـ̡ سہل آسٕنـ̡ ۔ یێلہِ اتھ سٍتـ̡  نرقلم فاں٘ٹ لٲگِتھ آسہِ، تێلہ:
- ہێکو صحیح کٲشُر یا اردو لیٖکھِتھ
- کٲشرِچہ تمام علامٔژ ہێکو ورتٲوِتھ
- ۔ ٛ ۔ ٚ ۔ ،۔ ٖ علامٔژو خٲطرٕ چُھہ گۅڈٕ حرف لیکُھن، تہٕ پتہٕ تتھ پى۪ٹھ علامت تۯاوٕنـ̡  پى۪وان۔ یتھ سامانس من٘ز چھےٚ ۔ ٚ ۔ ،۔ ٖ علامٔژ حرفن سٍتی وٲٹِتھ۔ امہِ سٍتـ̡ بچہِ لیکھنس من٘ز واریاہ مى۪حنت تہٕ وقت۔ مثالے: مُروجہِ طریقہٕ چھےٚ بۯێم یا بۯى۪م لفٍظ لیکھنہٕ باپتھ شێیِہ لٹہِ کمپیوٹر کیٖ (بٹن) دباوٕنـ̡ ، نرقلم تہٕ کشمیٖری کیٖبوڈ لٲگِتھ چھےٚ صرف ژورِ لٹہِ کیٖ دباوٕنـ̡  مثالَو خٲطرٕ وچھِو یہِ چاٹ:

- یتھ فاں٘ٹس مں٘ز چھےٚ مذہبی تہٕ ادبی تحریٖن مں٘ز بکار ینہٕ واجنہِ علامٔژ موجوٝد :
﷽       ؐ       ؑ      ؒ      ؏      ٰ      ؔ
[نوٹ: یتھ تحریٖرس من٘ز چھےٚ زٲِتھ مٲنِتھ زیادَے پہن علامٔژ ورتانہٕ آمژٕ۔ عام تحریٖرن من٘ز یِن یم ضروٝرتہٕ حسابہٕ سى۪ٹھا کم استعمال کرنہٕ۔]
تُہن٘دى۪ن رٕتى۪ن مشورن ہن٘د چُھ انتظار: info@kashmirilanguage.com
مظفّر عازم